Tou lo rellacionao coles ferramientes ya instrumentos que s'usaben nos pueblos d'Asturies. Ferramientes manuales o tiraes por traccion animal, pa cultivar el campu, vieyos instrumentos usaos na casa, polo xeneral coses que güei tan en deshuso, que se tan escaeciendu y los nuesos nietos posiblemente non conoceran.
Les MADREÑES, ye'l calzáu mas popular de los pueblos, onde l'agua y el mugor favorecen esti tipu de calzáu de madera. Les madreñes se faian de distintos tipos de madera, abedul, *faya, carbayu , alamo, ecetera. Güei les madreñes mas frecuentes son les d'abedul ya faya, pola so llixereza. Les principales partes de la madreña son:
Los madreñeirus tronzaben y ferruchaben segun el llargo, de la futura madreña, les rollas. El cachu de madera onde va salir la madreña debastase col hachu, hasta da-y la forma tosca de la madreña, depués afínase cola azuela, la madreña una vez agozada, pasa al tornu p'acovanala, primero se augerea col barrenu y despues vaciase cola segra, anque la parte central se vacia con una azuela de gubia. Depués asítiase la madreña nel burruy se procede a en raseirar, que consiste n'afinar lo que primero fiximos cola azuela, una vez allisada déxase reposar hores o dias, pa depués esbocala con un cuchiellu y finalmente se lija per fora. Yá llista la madreña puede dibuxase, colos rayadores ya sacabocaos, píntense, depués se fierran colos tacos de goma y llista p'andar. Aqui déxovos unes semeyes de la ferramienta d'un tio mio madreñeiru.
